محمد حلمي يكتب .. تشفير ايه جي تقول عليه!!؟

اعتقد أن آخر حاجه تفكروا فيها هي (التشفير) مع احترامي للصديق لواء ثروت سويلم
بعد اذنك تشفير ايه اللي سيادتك بتقول عليه من قوه الدوري المصري
ولا من كتر مؤجلاته ولا من كتر مشاكله ومشاكل الحكام
ولا نهايته اللي في شهر اغسطس الدوريات كلها في العالم هتبدأ الدوري الجديد وانت لسه بتلعب في الدوري ولا كاس مصر
اللي لسه عاوز سيادتك تلعبو باي فكر بتفكرو تشفير الدوري المصري اللي البرامج الرياضيه في الدول العربيه وخدانا غسيل ومكوه
بسبب فضايح الحكام وضربات الجزاء الوهميه ولا تشفرو للنادي الاوحد باي فكر عاوز تشفر الدوري المصري ده.حضرتك عضو (رابطه واللي جايبك انت عارف الجمعيه العموميه ) اوعي تفتكر الناس بتتفرج علي الدوري المصري لا بتتفرج علي اسطوره مصر محمد صلاح يعني الدورى الانجليزى لانهم عارفبن من هو صاحب الدوري مقدما ده فعلا الكلام كتير قوي بلاش لو مواخذه تفكر وفيه شعب بيفكر يجيب القمه منين حلوه قوي تشفير الدوري
تطوير الكره للناس اللي لعبت كره وتعبت فيها مش لاي حد تطوير الكره مش عامر حسين وانت تطوير الكره عاوزه رئيس اتحاد قوي يطبق اللوائح والقوانين علي الانديه نطوير الكره من انتظام البطوله بتعتك تطوير الكره بلاش تطبيل لانديه القانون علي الكل تطوير الكره لنا نشوف منتخبك في كاس العالم تطوير الكره لما تمنع الانديه من عدم ارسال لعبتهم لمنتخب البلك والمتتخب اهم من الانديه تطوير الكره لما نشوف عدل الحكام تطوير الكره لما نشوف علم مصر في البطولات الدوليه تطوير الكره لما تختار مدربين اكفاء للمنتخبات مش للاحباب والمعارف تطوير الكره لما نشوف مسابقات الناشئين بدون تزوير لاعبين الانديه تطوير الكره روح اتفرج علي دوري الدرجه الرابعه والتالته
والتانيه ودوري المحترفين تطوير الكره لما نشوف فريق في دوري الدرجه التانيه وعامر حسين عاوز يصعدها للدوري الممتاز سبورتنج الرياضي ده تطوير بردو ولا إيه