كلمة حق في الفنان مراد مكرم

كتبت هايدي إسكندر أحمد

الفنان مراد مكرم بيثبت كل يوم إنه واحد من أكتر الممثلين اللى عندهم موهبة حقيقية وقدرة خارقة على تجسيد أدوار الشـ ـر بطريقة تخليك تنبهر وتصدق كل تفصيلة فى الشخصية اللى بيقدمها... الر|جل بجد عنده كاريزما مختلفة، ويعرف إزاي يدخل جوا الشخصية ويقدمها بأسلوب واقعي ومقنع جدًا… لدرجة إنك ساعات بتنسى إن ده تمثيل أصلاً ! .

مراد مكرم من الفنانين اللى حضورهم على الشاشة بيشدك من أول لحظة، وده لأنه مش بس بيعتمد على ملامحه أو صوته القوي، لأ… ده بيعرف يستخدم كل أدواته كممثل: نظرته، طريقته، هدوءه المريب ساعات، وانفـGـاره فى اللحظة المناسبة..

وده كله بيخلي أي دور شـ ـر يعمله يبقى تقيل ومؤثر ومحدش يقدر ينساها بسهولة

ودوره فى مسلسل "ورد وشوكولاتة" دليل كبير على ده… أداء جبار ومختلف، وقدرة مرعبة على تجسيد شخصية الشرير ويقدر يشدك في نفس الوقت بقوة وعظمة والأداء بجد، ويخليك مستني كل مشهد ليه... بجد الر|جل ده عامل شغل جااامد بمعنى الكلمة، ومقدم الدور بحرفنة وثقة تخليك تحترم موهبته أكتر وأكتر.

مراد مكرم مش بس ممثل شاطر… ده صانع شخصيات حقيقي، يقدر يقنعك بأي دور يدخله، مهما كان تركيبه صعب، اذا كان بقى طيب أو شـrير ... وكل ظهور ليه بيثبت إنه فنان مختلف ومبدع بمعنى الكلمة، وبيقدم مستوى عالي جدًا من التمثيل يخليك تستمتع وتقول: “آه… هو ده التمثيل اللى بجد بقى”.

تحية كبيرة بجد للفنان مراد مكرم… ودايمًا فى انتظار أدواره اللى دايمًا بتسيب علامة ومابتتنسيش .