نادر نور لبرنامج ”سهرة نغم”: عامر منيب كان أخًا كبيرًا ومعلمًا ومرشدًا

كتبت هايدي إسكندر أحمد

قال الملحن نادر نور خلال لقائه مع برنامج "سهرة نغم" على نغم FM مع المذيع محمد بكر إن أول هدية حصل عليها كان من والده وكانت عبارة عن جيتار واشترط والده نجاحه في الكلية ليتجه لاحتراف الفن.

وأضاف نادر نور: "مقدرتش أنجح في أول سنة في كلية حقوق وأصريت إني أنجح عشان أحقق أمنية بابا، ويكون معايا شهادة جامعية في القانون، كنت شاطر جدًا في المرحلة الابتدائية، وفي المرحلة الإعدادية اتعرضت لضغط من مدرس في مادة الرياضيات، وكان سبب في عقدتي من الأرقام على الرغم من حبي للحساب".

وأشار نادر نور: "والدي توفى وسابني في وقت صعب، كنت لسه بتعلم ومحتاج أتعلم منه ووالدتي تعبت معانًا جدًا، وأختي الوحيدة أميرة نور كانت أمي التانية وبنتي ليلي عندها ميول فنية وأحلي حاجة حصلت لي في حياتي ومش عايزها تدخل مجال الفن ولو أصرت هوافق".

وأكمل نادر نور: "تعاملت مع مطربين كتير جدا ولكن عامر منيب كان ليا أخ كبير ومعلم ومرشد وناصح ليا بعد وفاة والدي، وتعلمت منه كتير على المستوى الإنساني والفني، ولما تعرفت على عامر منيب وأخد مني أول تراك مزيكا بعد ما بابا قفل في وشه السكة وافتكره بيعاكس في التليفون، وبعد كدا طمن والدي جدا عشان أكمل في التلحين".