_" حياه" فالمسلسل كانت شايفه إن أمها شخص سىء جداً وخاينه وبتزعجها وحياه بتكرهها جداً لدرجه إنها قت*لتها!
ف حين إن ف أخر المسلسل اكتشفوا ان حياه مريضه نفسيه وإن مامتها ست كويسه، وحياه كانت متوهمه ان مامتها كدا بس..
النوع دا من الإضطراب النفسي بيعرف بإسم "توهم كابغراس Capgras delusion" ودا إضطراب نفسي بيؤدى الى إن المريض بيتوهم ان فى شخص ف حياته تم إبداله بشخص تانى بنفس ملامحه وصفاته بس عشان يزعجه ويضايقه! وإن التبديل اللى حصل فالشخص دا خلاه يبقى شخص قاسى أكتر وصفاته وحشه أكتر ف بيخلى المريض يكره الشخص دا وبيتوهم إنه جاي يضايقه بس، واحياناً الكره دا بيوصل للقتل زى حاله حياه!
على عكس الإضطراب دا تماماً، فى إضطراب نفسى نقيض إسمه "توهم فريغولى Fregoli Delusion" وهو توهم المريض إن كل الاشخاص اللى ف حياته بشكل او بأخر شخص واحد فقط! شخص واحد بس بيتنكر بأشكال ناس كتير، مره يكون راجل مره يكون ست ومره يكون طفل، بكل الاشكال، والمريض بيتوهم ان الشخص دا بيتنكر بكل الاشكال دى عشان يزعجه ويضايقه بس! وبيعمل كل دا عشان بيكرهه، وهى حاله نادره جداً فى مجال الاضطرابات النفسيه، لكن موجوده.
_أداء غاده عبد الزارق غير عادي وهي بذلت مجهود جبار ف أداء شخصيتن قبل الفصام وما بعدها أثبتت للمشاهد أنها فعلا مريضه نفسيه وأجبرتك تتعاطف معاها.
_مسلسل يتشاف مره واحده بس ،بسبب الالفاظ والجرأه اللي فيها برغم إن القصه حلوه بتناقش مرض خطير من أهم أمراض علم النفس ،وكمان مطلع الدكتور النفسي بصوره "سايكو".
