الثنائي أحمد مكي ودنيا سمير غانم أفضل ثنائي في السينما والتلفزيون

كتبت هايدي إسكندر أحمد

في حب ثنائية احمد مكي & دنيا سمير غانم

مكي من الممثلين إللي اظهروا مجموعة كبيرة من الممثلين للنور مش هقول منهم دنيا لأنها معروفة مش محتاجة حد يظهرها لكنه ساعدها ف إنها تظهر بشكل أفضل وحسيت بانسجام ما بينهم ع الرغم إنهم قدموا شخصيات مختلفة تماما ف كل اعمالهم لكن كل الشخصيات دي كانت متوافقة و منسجمة شاركوا سوا في:-

-(طير إنت 2009)

ف الفيلم ده قدر احمد مكي ودنيا سمير غانم بدل ما يقدموا دور واحد قدموا حوالي ٨ شخصيات وال ٨ شخصيات مختلفة تماما عن بعض وإللي منه ظهرت شخصية الكبير

(-لا تراجع ولا استسلام 2010)

واللي فيه ظهرت شخصية حزلقوم وقدر احمد مكي يمثل دور شخصية بتمثل شخصية (حزلقوم بيمثل دور أدهم) ..

-(الكبير )

بدأ سنة 2010 وأخد تقييم 8.1 ع imdb

المسلسل ده قدر يكون واحد من أحسن المسلسلات الكوميدية ف مصر...وظهرت دنيا بدور هدية الزوجة العاقلة إللي خلتنا نحب كلمة "يا كبييير"

اهم حاجة إن الأعمال دي من الأعمال اللي تصلح للمشاهدة العائلية كذلك لعدم احتواءها ع مشاهد خارجة+ إنها بتتميز بطابع كوميدي جميل ❤️