الفنانه الراحله أمينه رزق

كتبت هايدي إسكندر أحمد

الست أمينة رزق الممثلة العظيمة سنة 2002

وقبل ما تموت بسنة واحدة بس .

تفسيرك ايه لحكاية اعتزال الفنانين والفنانات ؟!.

سبق وقلتها مليون مره لما انتشرت الحكاية دي وطلع اللي بيقولوا إحنا تبنا عن الفن قلت لهم الفن مفيهوش توبة أنتم تبتم عن معاصيكم الشخصية الفن فيه جمال ..

بدليل إن بعضهم رجع يمثل تاني انا معرفش هما رجعوا ليه

وأحدة شافت إنها مش قادرة تواصل مشوارها دي مسألة شخصية لكن الفن ثابت قيمتة ثابتة

واي حد سلوكه سيئ هو اللي بيسيئ للفنانين

واحدة تاخد المسألة بطموح حتوصل للنجومية

وواحدة واخداها نص نص حتبقي ممثلة

محدودة مش كده واللا ايه

في رأيي أن الفن ليس له نهاية كلما ابدعت

تصبح في حاجة إلى الإبداع أكثر

انا ضد الاعتزال على طول الخط بدليل أنني مازلت أعمل حتي وأنا زي ما انت شايف متكسحة

اقولك حاجة حاجة كتير اوي كلموني في التليفون

ناس من الجماعة إياهم سألوني

حتعتزلي إمتي بقي ؟ حتتحجبي إمتي

وعلى فكرة رجالة منهم وستات

قلت لهم مش حاعتزل

لما الجمهور يتخلى عني أنا تحت أمره أنا ماليش هدف تاني غير الفن ولن أحيد عنه أبدا وريحوا نفسكم .."